إياك أن ترضى، خاطرة من ثنايا الروح، دقة الكلمات عن الخوف من الوحدة، بالإضافة إلى تحديد سندك في الحياة، الله وحده هو السند، ونصيحة لكل إنسان أن لا تبقى على الهامش، أنت في بداية السطور وفي وسط السطور ونهاية السطور، وأنت السطور، لكن إياك والهامش، إياك تكون بديل أو رف أو حتى حبة بنادول.
إيّاك أَن تَرضى
خاطرة إياك أن ترضى، تتضمن إحساس الخوف من الوحدة، ونبدأ ونقول: مش مهم أعيش وحيدة أو لا، المهم إني مستحيل أرجع أرضى إني أكون بديل أو عالرف أو مجرد تصبيرة، أو تيجي عندي وقت الحاجة وبس، اللي بده ياني أكون جنبه عيوني وقلبي إله، بس بالمقابل شو؟ معقول أضل أقدملك كل حياتي وقلبي وكل طاقتي؟ وانت بتقدملي إهمال وقهر وذل وإهانات؟ طب ليه؟ وأنا ليش كنت أقبل؟ خوفاً من (الوحدة) اللي برضو كنت أحس فيها وأنا معاك.
إقرأ أيضًا: الكلمات من نظرة مختلفة
ضمان الحب
لهالدرجة مش شايف مين أنا؟ لهالدرجة ضامن إني حضل طول العمر قابلة بالذل؟ وضامن حبي إلك؟ بس الحق علي أنا، أنا اللي أعطيتك أكتر من حجمك وقيمتك وأنا اللي كبرتك وكبرت راسك الفاضي، وخليتك تحس إنه فش حدا بكل هالدنيا غيرك، وإنت النمبر ون بحياتي وبعدك ما في حدا ولا حتى قبلك حدا.
إقرأ أيضًا: كلمات من ذهب
سندك هو الله
سندي هو الله، والحمدلله إنه ربنا هو السند وقت الضعف والكسر، ولا تقلي في إنسان سند، ربنا هو الكتف وهو السند (وبس)، لا تبكِ قدام أي مخلوق، ولا تبين ضعفك قدام أي شخص، لأنه كتير أشخاص بتشوفك زعلان وحزين وحالتك حالة وعيونك تعبانة ف بيجوا عليك يسألوك مالك؟ ليش زعلان؟ بس مش عشانك لا لا، ولا مهتمين لحزنك ولا شايلينك من أرضك أساسًا، بس عشانهم همه، وعشان يشبعوا فضولهم مش أكتر وتفكرش إنهم خايفين ع زعلك، ترا انت بحياتهم أقل من صفر ع شمال ف دير بالك صديقي.
إقرأ أيضًا: خاطرة أبجدية الحب
إنت غالي جدًا
بعمرك ما تقبل إنك تكون عالهامش، أو مجرد حبة بنادول لفترة أقل من مؤقتة، انت غالي كتير يا صاحبي، إنت مش بحاجة شخص يحسسك إنك أقل من كل الناس، مش بحاجة شخص يأذيك نفسيًا، إنت بحاجة شخص يقلك أنا معك وقت زعلك وتعب عيونك، ويكون وقت همك قبل ضحكتك وفرحتك، إنت بدك حدا يحطك بين عيونه، ويخاف عليك من أقل إشي بالحياة، إنت بتستاهل حدا لما يشوفك عيونه تلمع من الفرحة، مش شخص ينغَم قلبه وتقفل الدنيا بوجهه بس يشوفك، والله بتستاهل كلشي غالي، إنت غالي، لا تضيع عمرك وقلبك مع ناس ما بتقدر قيمة قلبك، أرجوك والله إنت غالي كتير.
إقرأ أيضًا: خاطرة لا تخبري أحدًا
إلى هنا، نكون قد وصلنا إلى نهاية خاطرة إياك أن ترضى، على أمل أن تنال إعجابكم، كلمات وكلها غصة وألم، ومعنى السند الحقيقي، وضمان الحب، وكيف تكون غالي؟ وما تقبل تكون عالرف، وإنك تستاهل حدا تلمع عيونه بشوفتك من الحب، ويكون فخور فيك، لا تخلي حدا يبتزك عاطفيًا، وللحصول على المزيد من المعلومات الثقافية المنوعة يرجى زيارة صفحتنا الرسمية على فيسبوك “من هنا“.